“Utair” Moskvadan Lənkərana reyslər açır

“Utair” aviaşirkəti aprelin 5-dən Moskvadan (Vnukovo hava limanı) Lənkərana birbaşa reyslərə başlayır.

TodayPress xəbər verir ki, bu barədə “Utair”in rəsmi saytında yerləşdirilən məlumatda deyilir.

Uçuşlar həftədə bir dəfə şənbə günləri həyata keçiriləcək. Qrafikə əsasən, Moskvadan uçuş saat 15:45-ə, Lənkərandan isə saat 21:25-ə nəzərdə tutulub. Uçuş vaxtı 3 saat 40 dəqiqə olacaq.

Biletləri artıq rəsmi “utair.ru” saytında və “Rahat Səma” mobil proqramında əldə etmək olar.