"Son Zəng"də hansı qayda pozuntuları qeydə alındı - DİN-dən ÖZƏL

Respublikamızda “Son Zəng” tədbirlərinin təhlükəsiz şəraitdə keçirilməsi üçün polis əməkdaşları tərəfindən bütün zəruri tədbirlər görülüb. 

Bu barədə Daxili İşlər Nazirliyindən TodayPress-in sorğusuna cavab olaraq bildirilib. 

Bildirilib ki, tədbirlərin keçirildiyi təhsil müəssisələrinin yerləşdiyi ərazilərdə naryad qruplarının sayı artırılmaqla, iştirakçıların təhlükəsizliyi, məzunların avtomobillərlə hərəkəti ilə bağlı ictimai qaydaya nəzarətin gücləndirilməsi təmin edilib: 

"Avtomobil yollarında hərəkətin təhlükəsizliyi Dövlət Yol Polisi əməkdaşları tərəfindən mühafizə olunub, süni sıxlığın yaranmaması üçün dayanma-durma və parklanma tələblərinə əməl etməyən şəxslər barəsində tədbirlər görülüb. “Son Zəng” tədbirləri ilə bağlı hər hansı neqativ hal qeydə alınmayıb" deyə məlumatda qeyd olunub. 

Günəş Mərd