Qazaxıstan XİN Azərbaycana başsağlığı verdi

Qazaxıstanın Xarici İşlər Nazirliyi baş verən qəza ilə bağlı Azərbaycana başsağlığı verib.

TodayPress xəbər verir ki, bu barədə nazirliyin "X" sosial şəbəkə hesabında qeyd olunub

"Biz Aktau şəhərində Azərbaycan Hava Yollarına məxsus sərnişin təyyarəsinin qəzaya uğraması ilə bağlı zərərçəkmiş ailələrə və yaxınlarına dərin hüznlə başsağlığı veririk. Bu çətin dövrdə sizin kədərinizi paylaşırıq" paylaşımda deyilir.

Qeyd edək ki, AZAL-a məxsus təyyarənin Aktau yaxınlığında qəzaya düşməsi nəticəsində çoxsaylı insan itkisi səbəbindən bu gün Azərbaycanda matəm günüdür. Bununla bağlı Prezident İlham Əliyev Sərəncam imzalayıb.

Dekabrın 25-də “Azərbaycan Hava Yolları”nın Bakı-Qroznı reysini yerinə yetirən “Embraer” təyyarəsi Qazaxıstanın Aktau şəhəri yaxınlığında qəzaya uğrayıb.

Təyyarənin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub.

Məlumata görə, sərnişinlərin 29-u sağdır.

Aynur TAC