Qafar Dəmirçi azadlığa buraxıldı

Şəkidə meşəlik ərazini kəsməklə təbiətə külli miqdarda ziyan vurmaqda ittiham olunaraq həbs edilən “AQA Şirkətlər Qrupu”nun icraçı direktoru Qafar Dəmirçi azadlığa buraxılıb.

TodayPress  xəbər verir ki, bununla bağlı bu gün Nərimanov rayon məhkəməsi qərar verib.

Məhkəmədə Baş Prokurorluğun təqdimatına baxılıb.

Təqdimat həbs qətimkan tədbirinin vaxtından əvvəl ləğvi ilə bağlı olub.

Məhkəmə təqdimatı təmin edib. Dəymiş ziyan tam ödənildiyi üçün onun barəsində həbs qətimkan tədbirinin ləğvi barədə qərar çıxarılıb.