AZAL Rusiyanın bir sıra şəhərlərinə uçuşları davam etdirəcək

“Azərbaycan Hava Yolları" QSC (AZAL) Moskva, Sankt-Peterburq, Yekaterinburq, Həştərxan, Kazan və Novosibirsk şəhərlərinə uçuşları davam etdirəcək.

TodayPress xəbər verir ki, bu barədə AZAL-dan məlumat verilib. 

Məlumata görə, dekabrın 28-dən AZAL Rusiyanın 5 şəhərinə - Mineralnıye Vodı, Soçi, Volqoqrad, Ufa və Samaraya uçuşları dayandırıb.

Qeyd edək ki, dekabrın 25-də AZAL Bakıdan Qroznı və Mahaçqala şəhərlərinə uçuşların dayandırılması barədə qərar vermişdi.